අන්තර්ජාතික බෞද්ධ සම්මේලනය 11 වැනි සංවත්සරය සමරයි
ලොව පුරා රටවල් 40කට අධික ප්‍රමාණයක් සාමාජිකත්වය දරන, බෞද්ධ සංවිධාන ශාඛා 300කට අධික ප්‍රමාණයකින් සමන්විත, ලොව විශාලත ම බෞද්ධ සංවිධානය වන “අන්තර්ජාතික බෞද්ධ සම්මේලනයෙහි” (IBC) 11වන සංවත්සරය පසුගිය 2023 නොවැම්බර් මස 02 දිනට යෙදුණි.
එම සංවත්සරික සැමරුම එහි නිර්මාතෘ, කැඳවුම්කරු මෙන් ම ප්‍රථම මහලේකම්වරයා ද වන ගරු ලාමා ලොබ්සැන්ග් හිමියන්ගේ ප්‍රධානත්වයෙන් ඉන්දියාවේ නවදිල්ලියේ පිහිටි අශෝක් මිෂන්හී දී චාම් හා සරල ආකාරයෙන් සිදු කරන ලදී.
එකී සැමරුමට IBC හි වත්මන් නියෝජ්‍ය මහලේකම්වරයා වන ජංග්චප් චොඑද්න් රින්පෝච් හිමියන් ද, අධ්‍යක්ෂ ජෙනරාල් අබ්ජිද් හල්දාර් මහතා ද IBC හි ප්‍රධාන කාර්ය මණ්ඩලයේ සාමාජික, සාමාජිකාවෝ ද සහභාගී වූහ.
එමෙන් ම මෙම සංවත්සරික සැමරුම IBC හි සාර්ථකත්වය අගය කිරීමටත්, එහි මෑත කාලීන කටයුතු පිළිබඳ දැනුවත් කිරීමටත්, නව කාර්ය මණ්ඩල සාමාජිකයන් හඳුන්වා දීමටත් අවස්ථාවක් කොට ගන්නා ලදී.
සහෝදරත්වයෙන් එක්වෙමු!
©️ Buddhist Brotherhood
