මහා විහාර වංශික ස්යාමෝපාලී මහා නිකායේ අස්ගිරි මහා විහාර පාර්ශ්වයේ අනුනායක, ශාස්ත්රපති අතිපූජ්ය නාරම්පනාවේ ආනන්ද මහා ස්වාමීන් වහන්සේ, ශ්රී ලංකාවේ උසස් අධ්යාපන ක්ෂේත්රයේ ගෞරවාන්විත පීඨස්ථානයක් වන කැලණිය විශ්වවිද්යාලයේ නව කුලපති ධුරයට පත්වීම පිළිබඳව අපගේ හෘදයාංගම ප්රීතිය සහ ගෞරවාදරය පුද කරමු.
මෙම ගෞරවණීය පත්වීම උන්වහන්සේගේ දීර්ඝකාලීන ශාසනික සේවය, ගැඹුරු ධර්ම ඥානය, විනයගරුක සංඝ නායකත්වය සහ ශාස්ත්රීය පරිණතභාවය වෙනුවෙන් ලැබුණු උසස් ඇගයීමක් ලෙස අපි සලකමු.
උතුම් ත්රිවිධ රත්නයේ අනන්ත ගුණ බලයෙන් ද, පූර්වාචාර්ය මහෝත්තමයන් වහන්සේලාගේ ආශීර්වාදයෙන් ද, මෙම වගකීම්සහගත ධුරය තුළින් උන්වහන්සේට බුද්ධශාසනයේ චිරස්ථිතියටත්, ජාතියේ බුද්ධිමය ප්රගමනයටත්, සමාජයේ යහපත් අනාගතයක් ගොඩනැඟීමටත් අසීමිත සේවාවක් ඉටු කිරීමට ශක්තිය, ධෛර්යය, ප්රඥාව සහ දීර්ඝායුෂ ලැබේවායි ගෞරවාපූර්වක සිතින් ප්රාර්ථනා කරමු.
“දීඝායුකෝ හෝතු, නිරෝගී හෝතු, සුඛී අත්තානං පරිහරතු.”
තෙරුවන් සරණයි! 🙏☸️
© Buddhist Brotherhood
