පූජනීය බෞද්ධ කෞතුක වස්තු වෙන්දේසිය නැවැත්වීමට ඉන්දීය රජය නීතිමය ක්‍රියාමාර්ග ආරම්භ කරයි
පූජනීය බෞද්ධ කෞතුක වස්තු වෙන්දේසිය නැවැත්වීමට ඉන්දීය රජය නීතිමය ක්‍රියාමාර්ග ආරම්භ කර ඇති අතර, ඒවා වහාම ආපසු ලබා දෙන ලෙස ඉල්ලා සිටියි. නියමිතව ඇති වෙන්දේසිය නතර කොට උතුම් වූ ධාතූන් වහන්සේලා ඉන්දියාවට නැවත ගෙන්වා ගන්නා බව දන්වා හොංකොං හි සොතෙබි වෙන්දේසි ආයතනයට නීතිමය දැන්වීමක් යවනු ලැබේ.
මෙම කෞතුක වස්තූන් අතර ආභරණ 1800 ක් පමණ ද, මුතු, මැණික් රත්‍රං ද ඇතුළත් වන අතර ඒවා 1898 වර්ෂයේ දී උත්තර ප්‍රදේශයේ පිප්‍රාහ්වා හි පිහිටි ස්තූපයකින් සොයා ගන්නා ලද ඒවා වේ.
කැණීම් වලදී බුදුන් වහන්සේගේ ධාතූන් යැයි විශ්වාස කෙරෙන අස්ථි කොටස් ද අනාවරණය වී ඇත.
සොතෙබිස් විසින් මෙම අයිතම හෙට (මැයි 7) වෙන්දේසිය සඳහා ලැයිස්තු ගත කර ඇති අතර, ඇස්තමේන්තුගත වටිනාකම හොංකොං ඩොලර් මිලියන 100 කි.
නිල ප්‍රකාශයක් නිකුත් කරමින් ඉන්දීය සංස්කෘතික අමාත්‍යාංශය තහවුරු කළේ, සැලසුම් කර ඇති වෙන්දේසිය පිළිබඳ තොරතුරු රැස් කර ඇති බවත්, නීතිමය ලිපි හුවමාරුව හරහා සොතෙබි වෙත විධිමත් ලෙස දැනුම් දීමට පියවර ගෙන ඇති බවත්ය.
මීට අමතරව, ඉන්දියානු පුරාවිද්‍යා සමීක්ෂණ ආයතනය හොංකොං හි ඉන්දීය කොන්සල් ජනරාල්වරයා දැනුවත් කර ඇති අතර, විකිණීම නැවැත්වීමට වහාම මැදිහත් වන ලෙසත්, මෙම කාරණය විසඳීම සඳහා පළාත් පාලන ආයතන සමඟ සාකච්ඡා කරන ලෙසත් ඉල්ලා සිටියි.
