සිතිවිලි වලට දුර්වලව හැසිරෙන්න දෙන්න එපා…
අපගේ සිත්වල කාම සංඥා (රාගය) බහුලව ඉපදීමට මූලිකම හේතුව අනාදිමත් කාලයක සිට සසර පුරුදු කරගත් සාවද්ය දැකීමයි.
රූප, ශබ්ද ආදී පංච ඉන්ද්රියයන්ට දැනෙන අරමුණු මතුපිටින් ලස්සනට, සැපවත් ලෙස ගෙන නුවණින් නොවිමසා (අයෝනිසෝමනසිකාරය) ඒ කෙරෙහි ඇලීම නිසා මෙය සිදුවේ.බුදු දහමට අනුව සිතිවිලි වැඩිවීමට බලපාන ප්රධාන කරුණු මෙසේ දැක්විය හැක
සංසාරගත පුරුද්ද සසරේ පටන්ම කාමයෙහි වරදවා හැසිරීම, ඇලීම සහ බැඳීම පිළිබඳව සිත පුහුණු වී ඇති බැවින්, එම වාසනා ගුණයන් (පෙර පුරුදු) හේතුවෙන් ක්ෂණිකව කාම සංඥා මතු වේ.අයෝනිසෝ මනසිකාරය (වැරදි ලෙස මෙනෙහි කිරීම): ලෝකයේ ඇති අනිත්ය (වෙනස් වන) දේ ස්ථිර ලෙසත්, දුක් සහගත දේ සැපවත් ලෙසත්, අశుභ (නොමනා) දේ සුභ (මනරම්) ලෙසත් ගැනීම නිසා කාමය උපදී.අනිමිත්ත සංඥාව නොවැඩීම: ලස්සන රූපයක් හෝ ආකර්ෂණීය දෙයක් දුටු විට එහි නිමිත්ත (විශේෂත්වය) අල්ලාගෙන (ග්රාහීව) සිතීම නිසා රාගය වර්ධනය වේ.මෙම සිතුවිලි පාලනය කරගැනීමට බුදු දහම තුළ පහත පිළියම් යෝජනා කර ඇත:අశుභ භාවනාව: සිරුරේ පිළිකුල් සහගත ස්වභාවය මෙනෙහි කිරීමෙන් දැඩිව බැඳී ඇති කාම රාගය දුරු කරගත හැක.ඉන්ද්රිය සංවරය: ඇස, කන ආදී ඉන්ද්රියයන්ට අරමුණු ගැටෙන අවස්ථාවන්හිදී සිහියෙන් යුතුව (සතියෙන්) කටයුතු කිරීමයි.යෝනිසෝ මනසිකාරය: යම් දෙයක් දෙස නුවණින් විමසා බලා එහි ඇති අනිත්ය ස්වභාවය අවබෝධ කර ගැනීමෙන් හටගන්නා ඇල්ම නැති කරගත හැක.
වැරදි කාම සේවනය පාපයක් වෙන්නේ කෙසේ ද?
බටහිර රටවල එය වරදක් ලෙස ඔවුන් නො දකියි.
වැරදි කාම සේවනය දුගතිගාමී බරපතළ අකුසලයක් බව පෙන්වා දුන්නේ කර්ම කර්මඵල ගැන පරිපූර්ණ අවබෝධයකින් යුත්, සියල්ල ගැන සියල්ල දන්නා සර්වඥතා ඤාණයෙන් යුතු සම්මා සම්බුදුරජාණන් වහන්සේ යි. වැරදි කාම සේවනයේ යෙදෙන්නන්ට මෙලොව වශයෙන් දිට්ඨධම්මවේදනීය ලෙසත්, ඊ ළඟ ජීවිතයේදී උපපජ්ජවේදනීය ලෙසත්, සසර පුරාවට අපරාපරියවේදනීය ලෙසත් එම අකුසලයේ ප්රතිවිපාක විඳින්නට සිදුවෙන බව පැහැදිලිව ධර්මයේ සඳහන් වෙනවා.
මේ ජීවිතයේදී ඒඞ්ස් වැනි මාරාන්තික සමාජ රෝග, ලිංගාශ්රිතරෝග වැළඳීම, සිරගතවීම් වැනි නීතිමය දඬුවම්වලට ලක් වීම, නින්දා අපහාස විඳින්නට සිදු වීම, පහර කෑම්වලට ලක් වීම, පවුල් ජීවිත කඩාකප්පල් වීම ආදී නොයෙක් ව්යසනයන්ට පත් වීමට වැරදි කාමසේවනය හේතු වෙනවා.
ඇතැම් ඝාතන පවා සිදුවන්නේ අනියම් සම්බන්ධතා නිසයි. පරලොව වශයෙන් නිරයේ, තිරිසන් ලෝකයේ, ප්රේත ලෝකයේ ඉපිද අවුරුදු දහස් ගණන්, ලක්ෂ ගණන් අප්රමාණ දුකට පත් වීමට වැරදි කාමසේවනයේ යෙදෙන්නන්ට සිදුවෙනවා.
ගෞතම බුදු සසුනේ අරහත්වය ලැබූ ඉසිදාසි තෙරණිය සිය අතීත ජීවිත මෙනෙහි කරද්දී, තරුණයෙකුව ඉපදී සිටිය දී සිදු කළ වැරදි කාමසේවන අකුසලය හේතුවෙන් විඳි විපාක මේ අයුරින් දුටුවා. නිරයේ ඉපදී අප්රමාණ දුක්විඳ ඉන්පසු පිළිවෙළින් වඳුරෙකු, ගවයෙකු, බූරුවෙකු ව ඉපිද ලිංග ප්රදේශය තුවාල වී පණුවන් ගසා කුණු වී මරණයට පත්ව තිබුණා. ඉන් පසු ජීවිතයේ දී නපුංසකයෙකු ව ඉපදී තිබුණා. එම නිසා පින්, පව් විශ්වාස නොකරන, සදාචාරයක් නොමැති බටහිර චින්තනයට ගැති නො වී අපි අකුසල්වලින් වැළකී කුසල් වැඩිය යුතුයි.
තෙරුවන් සරණයි🙏
සහෝදරත්වයෙන් එක්වෙමු!
©️ Buddhist Brotherhood
