ල්හාබබ් ද්‍යුචෙන් යනු , ටිබෙට් සම්ප්‍රදායට අනුව බුදුන් වහන්සේගේ ජීවිතයේ සිදුවීම් හතරක් සිහිපත් කරන ප්‍රධාන බෞද්ධ උත්සව හතරෙන් එකකි. ල්හාබබ් ද්‍යුචෙන් නවවන ටිබෙට් චන්ද්‍ර මාසයේ 22 වන දින සමරණු ලබන අතර මාස තුනක් දෙව්ලොව තම මවට ඉගැන්වීමෙන් පසු බුදුන් වහන්සේ මනුලොව ට නැවත පැමිණීම සනිටුහන් කරයි. එය ටිබෙටයේ සහ භූතානයේ ප්‍රධාන වශයෙන් සමරන අතර අනෙකුත් ආසියාතික බෞද්ධ රටවල් වන ශ්‍රී ලංකාව, මියන්මාරය, තායිලන්තය සහ ලාඕසය ඇතුළු රටවල එය ටිබෙටයට සති කිහිපයකට පෙර සමරනු ලැබේ.
ටිබෙටයේ සාම්ප්‍රදායික ගිහි ජනතාව පොතාලා මාලිගාව, පන්සල් සහ වන්දනාමාන ශාලා මෙන්ම ඔවුන්ගේ නිවෙස් පිරිසිදු කිරීමෙන් ලා බබ් ද්‍යු චෙන් උත්සවය සඳහා සුදානම් වේ. ඔවුන් මෙසේ කරන්නේ බුදුන් වහන්සේට ගෞරව පිණිස කරන ලද පිරිසිදු කිරීමේ ක්‍රියාවක් ලෙසයි. මෙම උත්සව දිනයේ දී ටිබෙටය පුරා සිටින ජනතාව එක සමානව චාරිත්‍ර ඉටු කරයි. ඔවුන් නිවසේ බුද්ධ වන්දනා කරමින් පහන් සහ සුවඳ දුම් දල්වා ඇතැමෙක් ආරාම සහ විහාර නැරඹීමට සුවඳ දුම් රැගෙන යන අතර තවත් සමහරු කදු මුදුන් වල සුවඳ දුම් පුජා කරති. එමෙන්ම භික්ෂූන් වහන්සේලා ට පුද පුජා පැවැත්වීම, යාචකයන්ට දාන දීම ආදි ක්‍රියා තුළින් පින් රැස් කරගැනීම මෙම දිනයේ අරමුණකි.
ටිබෙට් භික්ෂූන් සඳහා දිනය පුරා සිදුකරන භාවනාව, බුදුන් වහන්සේගේ බුද්ධ ක්‍රියාවන් සිහිපත් කිරීම, බුදුන් වහන්සේගේ චරිතාපදානය කියවීම සහ පුජා කිරීමේ බුද්ධ වන්දනාමාන කටයුතු සිදුකරනු ලබයි. ලා බබ් ද්‍යු චෙන් යනු, අධ්‍යාත්මික පරාවර්තනය, භක්තිය සහ බුදුන් වහන්සේගේ ඉගැන්වීම් සමඟ කෙනෙකු ගැඹුරින් සම්බන්ධ කරන කාලයකි.
